Blogs >> Miscellaneous >>
Wo Mishthi Yadein!!!
Hye wo din!!!
Wo haamre paehli baar rone ki aawaz sun, maa ka muskurana,Wo bin baton ke kisses,Wo tarah tarah ke faces bana ke hasane ki koshish,Wo mitti khane pe maa ka gussa karna.
Hye wo din!!!
Zindagi badhi, aur school time aaya,Wo teacher ka gussa karna aur fir ghar waalon ko shikayat karna,Wo pehla crush,Wo badi bahan ka chanta,Wo shuruat stubborn hone ki,Wo papa ki dant, aur maa ka dualr,Wo gudde-guddiyon ki shadi karana.Hye wo din!!!
Aaya din serious padhai ka,Wo board exams ki taiyari ka,Wo kam marks ka darr,Wo thand(winter) ke time, maa ki dant sun, aankhe mizte padhai karna,Aur wo mauka dekh fir razai lapet so jana,Wo exam me jane se pehle behen ka dahi(curd) khilana,Hye wo din!!!
Wo kitne sapne sajaye, college ka pehla din,Wo seniors ka khauf,Wo ragging ki aawaz sun kanpna,Wo class bunk kar movie jana,Wo kisi ke pyar me poori tarah doob jana,Hye wo din!!!
Samay ka pahiya aagey badha,Wo zimmedariyon ka badhna,Wo office ka pehla din,Wo kuch kar dikhane ki tamanna,Wo pehli salary maa ke hanthon me dena,Aur fie wo maa aansu bhare pyar se galey lagana,Hye wo din!!!
Ab to sirf un yadon se kuch pal muskura lena,aur fir se duniya ki bheed(crowd) me kho jana,Aur mauka miley to kehna… Hye wo din!!!Thanks,Tanzy..
|
|
